眼睛及眼睛周圍既護理狗狗既眼睛同人一樣都係咁重要,而美觀與否眼睛都有好多既影響,

所以狗主應該定期幫愛犬清潔眼睛及眼睛周圍方法及細節:

1. 狗狗眼睛周圍經常會有眼屎或淚斑,或者會比過長既毛傷到,應該要用溫熱既毛巾或紗布濕水抹擦,再以乾紗布抹乾水份,如果抹眼睛周圍既時候狗狗亂郁,手指可能會整到狗狗眼睛,因此要一隻手輕力捉住狗狗既下巴避免佢亂郁

2. 如果眼睛上方既毛太長,會有機會拮傷狗狗眼睛,所以要用較剪由眼尾朝眼角方向剪短(兩眼中間方向為眼角)

3. 清洗眼睛時候應該用一隻手攬住狗狗個頭,而且用同一隻手既手指輕力定住狗狗眼睛,再用滴幾滴洗眼水,之後用紗布或綿花抹乾即可

*清潔眼睛或眼睛周圍應該以溫柔既力度,因為狗狗對頭部及面部非常敏感,如果太大力可能會整痛狗狗而令佢受驚

*每次清潔一定要抹乾水份,如果唔係會有淚斑(毛色較淡既狗比較明顯)